‘n Geestelike Dissipline Wat Jy In Die Bed Kan Doen


‘n Geestelike Dissipline Wat Jy In Die Bed Kan Doen

Deur Jen Thorn |29 Feb 2016


Welkom by die laaste week van ons “Gebed” studie. Ek is so trots op jou dat jy by ons gebly het gedurende hierdie weke, en ek hoop dat jy gegroei het in jou begrip van en liefde vir gebed. Hierdie laaste week gaan ons die vraag “Wanneer moet ons bid?” beantwoord. Ek besef dat ons gedurig moet bid (1 Tess. 5:17). Maar ons gaan dit verdeel in meer tasbare dele.Vandag begin ons met Psalm 5:4 wat ons vertel dat oggende die perfekte tye is vir gebed.

Ek is nie ‘n oggendmens of ‘n aandmens nie. Ek is ‘n dagmens. In ‘n perfekte wêreld sal my dag wees van 8 tot 8. Dit is wanneer ek op my beste funksioneer. Ek beweeg stadig in die oggend, ek voel nie lus vir praat nie, en ek wil definitief nie dink nie. Maar die Woord vertel ons dat om die dag met gebed te begin, ongelooflike voordele inhou. Ons sien dat Jesus vroeg in die oggend tyd met die Vader deurbring (Mark. 1:35), en regdeur die Psalms vind ons dat Dawid praat oor die tyd wat hy in die oggend met God spandeer.

Dit is ‘n geestelike dissipline wat gedoen kan word sonder dat ons die gemak van ons bed hoef te verlaat!Ons hoef nie eers ons oë oop te maak nie. Vir sommige van ons maak dit oggende die maklikste tyd van die dag om te bid.

“Gebed moet die sleutel van die dag wees, en die slot van die aand.”
–  Spurgeon

Glo dit of nie, daar is baie om oor te bid voor ons voete die grond raak.

Ons kan begin met danksegging. Terwyl sommige van ons nie dankbaar voel dat dit oggend is nie, as ons eers begin dink aan dinge om voor dankbaar te wees, dan sal ons gesindheid verander.

So waarvoor kan ons dankbaar wees so vroeg in die oggend?

  • Dat ons ‘n bed het om in te slaap.
  • Dat ons die nag kon deurbring sonder om vir ons lewens te vrees.
  • Dat Hy vir ons die hoeveelheid rus gegee het wat Hy vir ons wou gehad het vir daardie dag (selfs al het kinders ons wakker gemaak, of ons vir geen rede wakker gelê het nie).
  • Dat Hy vir ons werk gegee het, en ons voorberei het om ons daaglikse take aan te vat.
  • Dat maak nie saak wat ons dag inhou nie, niks kan ons verlossing wegvat nie.

Dan kan ons natuurlik na God toe kom met al ons versoeke.

  • Dat ons God sal verheerlik in ons dade en woorde daardie dag.
  • Dat ons alle dinge met dankbaarheid sal benader.
  • Dat God ons sal help om te vertrou, in plaas van om te kommer, ongeag van wat ons dag inhou.
  • Dat Hy ons sal herinner om Sy tyd oordeelkundig te gebruik.

Om elke oggend tyd in gebed deur te bring, voordat ons skedules begin om ons in ‘n honderd verskillende rigtings te trek, sal ons help om ons gedagtes te anker in Christus. Hy is die een wat vandag aan ons gegee het, Hy is die een wat ons lewens handhaaf, Hy is die een wat ons in ons dag moet verheerlik. Hy is ons hulp, ons krag en ons wysheid.

“Laat my elke môre u liefde ondervind, want in U stel ek my vertroue. Wys my die pad wat ek moet loop, want my hoop is op U gevestig.”

Kyk na Jesus,

Week 8: Video

Week 8: Uitdaging

Verbind jouself om te bid voordat jy net uit die bed klim elke dag. Kyk hoeveel dae jy kan gaan sonder om dit te mis.

Week 8: Leesplan


Week 8: Memoriseervers

Week 8

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s