Week 2 – Moses – Vrees En Swakheid

Week 2 – Moses – Vrees En Swakheid

deur Whitney | Maart 20, 2017

“Wat kan in ons lewens verander as ons waarlik glo… in ons binneste, dat God ons sien en ons hoor? Van watter sonde sou ons wegdraai? Watter sekerheid sou ons verkry? Wat as ons waarlik glo dat God Sy beloftes hou? Hoe sou ons in die Woord van God delf vir Sy beloftes? Hoe sou ons aan hulle vashou wanneer dinge droog of stormagtig of donker is?” – Matt Chandler, Our Story in Exodus

Het jy al ooit ‘n baie gewaagde gebed van gewilligheid gebid, en vir God gevra dat as Hy iemand soos jy kan gebruik – wat ookal dit is waartoe Hy jou roep, – jy dit sal doen?

“Hier is ek, Here. Gebruik my.”

Jy wil gebruik word. Jy het gebid om gebruik te word. Jy het dalk selfs op een stadium ‘n pad geloop, en ‘n duidelike leiding van die Gees gevolg, om “ja” te sê, om groot dinge vir God te doen.

Behalwe, natuurlik, jy het nie regtig bedoel dat jy absoluut enige iets sal doen nie.

As jy soos ek is, het jy dalk alreeds selfs die perfekte beeld van jou bediening in jou gedagtes opgestel. Hy sal sekerlik my mees voor die hand liggende sterk punte gebruik, in my mees ideale plek, om ‘n impak te hê op my mees gewenste demografie, en dit sal alles perfek uitwerk, tot die laaste detail, op die mees effektiewe, engelagtige manier, nê? Mmm.

Sjoe, God het ‘n sin vir humor.

Om teen Goliat te staan te kom, was nie Dawid se mees voor die hand liggende sterk punt nie, om die leeukuil binne te gaan was nie Danïel se mees ideale plek nie, om die mense van Nineve te bereik was nie Jona se gewenste demografie nie, en veertig jaar in die woestyn was definitief nie die Israeliete se mees effektiewe roete nie.

En welsprekendheid voor ‘n intimiderende, kragtige nasionale leier was verseker nie op Moses se top tien lys nie. Keer terug na Egipte en bevry die Israeliete van slawerny? God was seker verward. Om die waarheid te sê, Moses het nie gevra om gebruik te word nie, en hy het definitief nie bekwaam gevoel vir die taak nie.

Uit die brandende bos het hy die Here sy naam hoor roep. “Hier is ek,” het Moses geantwoord, sonder om te weet Wie het geroep, of wat op die spel was. Maar nadat hy God se weergawe gehoor het van sy volgende taak, het Moses God teengestaan op elke vlak, soos sy gebrokenheid na vore gekom het, en sy vrees en swakheid hom oorval het…

WIE IS EK, HERE?

In Moses se eerste veertig jaar was hy ‘n ‘iemand’ – ‘n geredde, beskermde, versorgde, begunstigde, invloedryke prins van Egipte. Maar een lewensveranderende besluit het veroorsaak dat hy moes vlug vir sy lewe, en annoniem moes wees vir die volgende veertig jaar. Moses het gegaan van om in ‘n paleis te woon, tot om skape in die woestyn op te pas – ‘n offisiële, ongekwalifiseerde “niemand” in die oë van die Egiptenare. Daar is definitief ‘n fout, God. U wil hierdie geringe uitgeworpene gebruik om groot dinge vir U te doen? Ek dink nie so nie.

Maar God het geantwoord: Ek sal met jou wees. Ek sal die werk doen. My sterk hande sal jou lei. Ek sal vir jou voorsien. Dit sal gebeur en jy sal sonder twyfel weet dat EK IS die Een was wat jou gestuur het.

NIEMAND SAL LUISTER NA IEMAND SOOS EK NIE.

Moses is oorweldig deur ‘n vrees vir mense. Hy het geweet dat die Egiptenare moeilike mense is, en vir veertig jaar het hy gemaklik gevoel om skape te kry om hom te volg, nie mense nie. As sy ouderdom, beroep en status as ‘n buitelander nie genoeg was nie, dan was die feit om terug te keer na die plek van sy misdaad definitief die deurslaggewende faktor wat hom diskwalifiseer. Ek het alle respek van hierdie mense verloor, God. Ek is nie U persoon nie.

Maar God het geantwoord: My krag sal met jou wees, Moses. Ek sal jou toerus met tekens en wonderwerke – nie net een nie, nie twee nie… maar drie van hulle, net om seker te maak dat hulle sal luister. Toe sê die Here, “Op grond hiervan sal hulle glo dat die Here die God van hulle voorvaders, die God van Abraham, die God van Isak, die God van Jakob, aan jou verskyn het.”

EK HET NIE DIE REGTE GAWES NIE

Toe Moses besef presies wat God hom vra om te doen, het sy grootste swakheid na vore gekom en hom verlam van vrees. Moses het nie die gawe van spraak gehad nie. Om die waarheid te sê, God wou Moses se grootste swakheid na die voorgrond bring in wat alreeds na ‘n onmoontlike taak gelyk het! Met so baie dinge alreeds teen hom, het Moses geweet dat hy nie ‘n kans staan as hy eers sy mond oopmaak nie. Here, ek kan nie praat nie – kon nog nooit nie, sal nooit nie. Ek is so swak. Asseblief… ek is nie geskik vir hierdie taak nie.

Maar God het geantwoord: Ek het jou gemaak. Ek ken jou. Ek het jou lief. Ek sal vir jou praat.  “Wie het aan die mens ‘n mond gegee? Wie maak stom of doof of siende of blind? Is dit nie Ek, die Here nie? Gaan nou, Ek sal jou help met die praat en jou leer wat jy moet sê.”

IEMAND ANDERS IS MEER GEKWALIFISEERD

‘n Desperate Moses maak weer beswaar en pleit weereens, “Asseblief tog, Here, stuur liewer iemand anders.”  Ek kan dit nie glo nie, liewe vriendinne. “Asseblief, Here?”  Na dit alles? Ons moet nie vergeet dat die God van die hemel, wonderbaarlik aan Moses verskyn in ‘n brandende bos. Hy het alreeds tekens en wonderwerke belowe, en het geduldig, oor en oor vir Moses herinner dat Hy die Skepper, die Voleinder en Here bo alles is. Maar in sy gebrokenheid, speel Moses die speletjie van vergelyking in een laaste poging om uit hierdie opdrag uit te kom. Sommige mense is gemaak vir dinge soos hierdie, God. Duidelik het U ‘n fout gemaak.

Voordat ons begin om Moses te kritiseer, sien jy dit nie raak nie? Hierdie is ons.

Soos Moses, haak ons vas by die foute van ons verlede, die beperkinge van ons hede en die onmoontlikhede van ons toekoms. Ons noem onsself gebroke, in plaas daarvan om ons oë te vestig op Jesus wat gekom het om ons sonde – verlede, huidige en toekomstige – te verlos, eens en vir altyd. Ons noem onsself ontoereikend, in plaas daarvan om te kyk na ons sterk Vader, wat gewillig en in staat is om Sy voldoende krag toe te pas op ons huidige swakheid. Ons noem ons situasie onmoontlik, in plaas van om te wandel in die Gees wat leef en verlang om die onmoontlike te doen deur gebrokenes, net soos ons.

Ons was nooit bestem om goed genoeg te wees nie. Ons was bestem om tot aan ons eindpunt te kom, sodat ons gered kan word en dan te kan rus in die groot EK IS.

Kind van God, Hy noem jou uitverkorene.

En Hy maak nie foute nie. In die verlede was God getrou aan Moses, en Hy was nie van plan om hom nou te los nie…

En Hy sal dieselfde vir jou doen.

By Sy voete,

 

 

 

 

 

 

 

 

Kom ons praat: Hoe laat jy toe dat vrees en swakheid jou daarvan weerhou om te doen wat God jou vra om te doen? Wat is een manier hoe jy vandag kan rus in God se getrouheid onderwyl jy vir Hom “ja” sê?

Weel 2 – Video

Week 2 Uitdaging: Skryf ‘n lys van die maniere hoe God getrou was met jou in die verlede. Laat hierdie lys ‘n herinnering wees van wie God is en hoe Hy in staat is om jou te help om jou vrees en swakheid te bowe te kom as jy sê “ja” vir hom.

Week 2 – Leesplan

Week 2- Memoriseervers

Advertisements

1 thought on “Week 2 – Moses – Vrees En Swakheid”

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s