Nie Nodig Om te Vrees Nie.

Nie Nodig Om te Vrees Nie.

deur Jen Thorn | Maart 24, 2016

Vrees…

Dit kan veroorsaak word deur amper enige iets. Dit kan teweegebring word deur mense, teenspoed, verlies, die verlede en onsekerheid oor die toekoms. Vrees is daardie gevoel van angstigheid oor die uitkoms van iets; dat jou behoeftes of begeertes nie bevredig sal word nie.

Vrees is vir my ‘n goeie vriend. Ek kan alle soorte angswekkende scenarios uitdink, en baie van hulle kan my maklik in ‘n paniek bring, en meeste van hulle word nie eens waar nie. Dis erg, nê?

God het vir ons baie skrifgedeeltes in die Bybel gegee wat ons bemoedig om nie bang te wees nie. Daar is selfs ‘n Christelike mite wat sê dat daar 365 verse oor vrees in die Bybel is, een vir elke dag van die week. Dit is nie waar nie. Byvoorbeeld, in die English Standard Version, kom die woorde “fear not” or “be not afraid” net 137 kere voor. Maar ons het nie 365 “moenie bang wees” nodig nie. As God dit net een keer gesê het, dan sou dit genoeg gewees het.

Kom ons kyk na ons verse vir vandag, en sien sommige van die redes hoekom ons nie bang hoef te wees nie.

  1. Hy is JOU God.

“… moenie bekommerd wees nie, Ek is jou God;” – Jesaja 41:10

God het alles geskape deur Sy Woord en dra alles deur Sy krag. Hy laat diere praat (Num. 22), en roep bye (Jes. 7). Hy skei die see en laat die son stilstaan. Hy is so suiwer en heilig, dat niemand na Hom kan kyk en leef nie (Eks. 33:20). Hy ontwaak dooie harte en gee lewe (Esra 36). Die ou Bybelse kategisme sê, “God is ‘n gees, oneindig, ewig, en onveranderd in Sy wese, wysheid, krag, heiligheid, geregtigheid, goedheid en waarheid.” Hierdie wonderlike God is nie net God nie, Hy is JOU God.

Deur geloof in Jesus Christus kan jy aanspraak maak op Hom, en Hy maak aanspraak op jou. Hy sorg vir dié vir wie Jesus gely het. Hy beskerm dié vir wie Jesus gesterf het. As lede van Sy familie, is ons volkome veilig en versorg.

Watter redes het ons om bang te wees? Onthou altyd Romeine 8:31:

Wat is nou ons gevolgtrekking oor al hierdie dinge? Dít: God is vir ons, wie kan dan teen ons wees?

  1. God is by jou.

“… moenie bang wees nie, Ek is by jou;”  

Het jy jouself al ooit afgevra hoekom jy bang word?

Somtyds is dit omdat ons na die situasie waarin ons is kyk, en ontblote of alleen voel, sonder beheer of hulp. Ons voel verlore en ons weet nie wat om te doen nie, of waarnatoe om te draai nie. ‘n Deel van God se grootheid is dat Hy alomteenwoordig is. Dit beteken dat Hy orals is op dieselfde tyd. Hy is nie beperk deur tyd of ruimte nie.

In Johannes 14:23 sê Jesus, “As iemand my liefhet, sal hy my woorde ter harte neem; en my Vader sal hom liefhê, en ons sal na hom toe kom en by hom woon.”

Hy maak sy woning in elke gelowige. Hy beskerm, leer en lei. Hy is nie net daar nie. Hy is nie afleibaar soos ons wanneer ons by ons familie is, maar ook op ons selfone is nie. Ten spyte van alles wat gebeur, is Hy 100% gefokus op Sy kind – en dit is jy en ek! Hy is ten volle bewus van ons gedagtes, ons gevoelens, ons begeertes, ons swakhede en ons vermoëns. Hy weet alles – elke traan wat jy terughou en elke klein sug. Hy is daar om op te lig en te lei, te leer en te korrigeer.

Hoe meer ons toelaat dat hierdie waarhede in ons harte insink, hoe meer sal vrees vervang word met heilige vrede.

  1. God sal jou help.

“Ek versterk jou, Ek help jou, Ek hou jou vas, met my eie hand red Ek jou.”

Omtrent alles waartoe ons geroep word om te doen en te wees, kan ons nie op ons eie doen nie, en dit is goed. Dit moet nederigheid en afhanklikheid by ons skep. Ons God is so goedgunstig en genadig om ons al die hulp te gee wat ons ooit sal benodig om ons roeping uit te leef, en die aanslae van die vyand af te weer.

Van Adam tot die Apostel Paulus, is vrees die mens se konstante vyand. Dit is ‘n stryd wat baie mense daagliks moet veg. Vrees is ‘n ware vyand, maar ons God is groter. En hoe meer jou kennis van God is, hoe minder sal jy vrees.

Kyk Na Jesus,

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s