WEES DAPPER VERTALINGS

WEES DAPPER VERTALINGS

Deur Angela

‘n LGG Afrikaans Getuienis

Die blote feit dat ek hierdie studies in Afrikaans kan lees beteken vir my ongelooflik baie.

Dit beteken ek verstaan dit wat ek lees soveel beter. 

Baie van hierdie studies is in Engels, en omdat Engels nie my huistaal is nie, moet ek gereeld eers ’n woord of twee of drie gaan naslaan om te kyk wat dit beteken, om die ware betekenis van die stukkie ten volle te begryp en te verstaan.

Maar behalwe die taal, verryk hierdie dagstukkies en studies my lewe soveel. Ek leer baie van myself, ek doen introspeksie, sien waar doen ek verkeerd. Mens is so geneig om die heeltyd teen een ding vas te kyk en ’n ander aspek te verloor of mis te kyk – ek dink spesifiek aan die Jona studie.  Ek het altyd net gekyk na Jona wat nie luister na God nie en toe word hy gestraf. Maar vir die eerste keer het ek besef ek is ook maar ’n Jona, want ek wil ook nie luister nie. Ek het gesien hoe ek nie wil luister vir God nie. Dit nadat ek regtig introspeksie gedoen het.

Die ander lekker ding is om dit per e-pos te kry. Dit beteken, ek kan altyd weer teruggaan na ’n studie en weer iets gaan lees. Ek kan myself weer gaan herinner, ek is ’n vrou, God sien my raak, Hy sal my nooit los nie, Hy sien die trane, die swaarkry en bekommernisse, tog sorg Hy elke dag vir my! Ek het weer geleer om al my bekommernisse vir God te gee – Hy dra my bekommernissse beter as wat ek dit kan dra.  Ek het weer geleer wat dit beteken om nie bekommerd te wees oor die dag van more nie, dit is nie belowe nie, slegs God se liefde is belowe vir vandag en elke dag van die res van my lewe! Ek het geleer om net te lewe vir vandag. Maar bowenal het ek geleer, dit maak nie saak wat wie sê of dink nie, al wat saak maak is God!

Martie, Suid Afrika

 

__________________________________________________

Vriende, het julle gelees hoe belangrik dit is om ons studies in Afrikaans te hê? Martie se moedertaal. Sien julle hoe baie dit vir haar beteken?

Dit is die hartklop van ons bediening!

Help ons om ons wonderlike vertalings regoor die wêreld te versprei. Stuur hierdie blog aan jul sendeling pastore, sendelinge wat deur julle kerk ondersteun word of enige sendeling vriende wat deur ons studies in hulle tale geseën sal word.

Hier by Love God Greatly is ons op ‘n baie belangrike missie en ons nooi julle uit om by ons aan te sluit!

Laat ons God se Woord SAAM regoor die wêreld versprei!

Julle kan ons WEES DAPPER vertalings hier kry – https://lovegodgreatly.com/choose-brave-translations/

Julle kan ons Afrikaanse studiejoernaal hier kry https://liefgodgrootliks.wordpress.com/studies/

 

 

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s