Wat laat jou uitstaan

Wat laat jou uitstaan

Deur Lily / 1 Oktober 2019 / Ester

Ek het my man op die ouderdom van 40 ontmoet. Vir tien jaar het ek glad nie met iemand uitgegaan nie. Die dag toe ons mekaar ontmoet het, het ek nie huweliksklokkies hoor lui of engele hoor sing nie. Dit was regtig nie so betekenisvol of onvergeetlik nie. Ek het net besluit om te help met ‘n uitreik wat deur ons kerk geborg is om ‘n gemeenskap in die omgewing wat deur ‘n tornado verwoes is, te help. Ek het ‘n hark gegryp en gehelp opruim terwyl Bruce met ‘n hamer op die dak geklim het. Later was ek moddervuil en uitgeput, maar die werk was die moeite werd. Ek was dankbaar dat ek daardie gesinne kon bemoedig.

Ek het Bruce ‘n paar weke later in die agterste gang tussen die badkamers en die kerksaal raakgeloop. Hy het by ‘n ander uitreikspan aangesluit wat na Mississippi gereis het om slagoffers van ‘n orkaan by te staan. My werkskedule het my nie toegelaat om daarin te deel nie, maar ek het ‘n punt daarvan gemaak om almal in die groep te laat weet dat ek vir hulle sal intree in gebed.

Die gesprek het waarskynlik ongeveer twee minute geduur. Hy het beleefd geglimlag en geantwoord: ‘Haai, dankie dat jy sal bid.’ En toe was hy oppad.

Twee jaar later was niemand meer verras as ekself toe ek in ‘n groot wit rok die kerk se gang afstap nie. As jy my man vra hoe dit gebeur het dat ons saam is, sal hy nie vir jou sê dat dit die ligstrepies in my hare of my mooi versorgde naels was nie. Hy is nie geïnteresseerd in die skakering van my lipstiffie of watter parfuum ek aan het nie.

Vra jy Bruce wat hom geïnspireer het om sy alleenloperlewe op te gee en ‘n baie duur diamantring aan te skaf, sal hy jou terugneem na die twee minute lange gesprek in die gang.

Hy het net aanhou dink: “Hierdie meisie. Sy bid.”

***

Ester het uitgestaan ​​tussen ‘n see van vroue, nie omdat sy ongelooflik mooi was nie, maar omdat sy nederig was met ‘n leerbare gees. Sy het na wysheid geluister en aan gesag toegegee. Ester het gekies om God en die mense wat Hy rondom haar geplaas het, te vertrou om haar treë te lei. Sy het nie gekla omdat sy in ‘n situasie was wat sy nie gekies het nie. Sy het haarself nie met die ander vroue vergelyk nie. Sy het eenvoudig gedoen wat nodig was met ‘n aangename gees.

Ester se gehoorsaamheid het ‘n definitiewe skoonheid van binne weerkaats. Haar lewe was toegewy aan God en dit het haar laat uitstaan.

God se genade en guns omring ‘n vrou wat afgesonder is om onbaatsugtig te dien.

 

 

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s